Piglalaoman na kan Chamber an findings kan Philippine Statistics Authority (PSA) dapit ki Mary Grace Piattos, kaya man laoman na mayo nin makakakua kan P1 million na reward. Ini an ipinahayag ni House Deputy Majority Leader asin La Union 1st District Rep. Paolo Ortega.
Aminado si Ortega na dae na sinda nabigla sa kumpirmasyon kan PSA manungod ki Mary Grace Piattos na saro sa nakaresiber nin confidential funds gikan sa Office of the Vice President.
Pig anunsyar ni Ortega na huli sa findings kan PSA, mayo nin makakakua kan reward na itinao kan Chamber.
Huli ta an saro sa mga resibong acknowledgement na isinumitir kan OVP sa Commission on Audit (COA) iyo an pangaran ni Mary Grace Piattos.
Ginamit kan OVP an mga resibo tanganing i-liquidate an P500 milyones na confidential funds na ginastos. Dugang pa ni Ortega, sa ngunyan pighahalat pa kan House Committee on Good Government and Public Accountability an beripikasyon kan pangaran ni Kokoy Villamin.
Nagpatanid si Ortega kontra sa paggamit nin mga pekeng identity sa mga opisyal na record na magigin kawsa nin sistematikong pandadaya asin pwedeng ikonsiderar an kredibilidad kan Office of the Vice President.
