Nangapudan si Manila Mayor Isko Moreno sa Senado na ibali sa imbestigasyon kaini an flood control projects sa syudad. Ini an kasunod kan pagkalubog kan dakulang parte kan Maynila sa hararom na baha huli sa makukusog na pag-uran kan mga nakalihis na aldaw.
Sigun ki Moreno, nag apelar na ini sa Senado na imbestigaran an flood control projects sa Maynila partikularmente sa ikaduwa, ikatulo asim ikaanom na distrito.
Pigtutukdo kaini an pagbaha sa mga substandard na flood control projects sa syudad. Sa datos, igwa nin P14.5 bilyong kantidad nin flood control projects sa syudad nin Maynila.
Kinwestyon ni Moreno an pagkakaigwa nin pinakadakulang alokasyon kan flood control project alagad apektado pa man kan pagbaha. Huli man digde, naglalaom si Moreno na maipapautob nin marhay an flood control projects sa kapakinabangan kan mga nasasakupan.
Sigun sa alkalde, long-term solusyon digde iyo an proper flood control project. Dapat soboot makanuod na an taumbayan orog na ta an mga pulitiko, dapat na dae nakikiaram sa mga flood control project.
Mas mamawoton pa kaining ipautob kan Metro Manila Development Authority an operasyon asin man pangangasiwa sa flood control projects, dawa pa an mga proyekto an gikan sa DPWH.
Dae man soboot makipagtabangan sa imbestigasyon kan flood control projects sa syudad an mga representative kan tulong distritong nabanggit ni Moreno.
Mientrastanto ipinunto man ni Manila 2nd District Rep. Rolando Valeriano na an mga lugar na naka eksp entrevista nin pagbaha kan nakalihis na Biyernes an nasa luwas kan saiyang distrito. An binaha an mismong atubangan kan City Hall, Taft, Adriatico na district 5.
Alagad pig asegurar kan opisyal na Welcome an imbestigasyon sasaiya, asin mayo man ining pigtatago. Alagad kun iimbestigaran an flood control, imbestigaran man dapat an gabos kabali na an garbage collection. Gabos dapat na ma imbestigaran kabali na man an district two, three asin six.
Kabali man an local government pag abot sa nasambitan ng flood control. Nag apelar an lehislador ki Moreno na igilid an politika sa isyu.
Marurumdumang nagpuon na an Senado sa imbestigasyon sa mga soboot anomalya sa flood control projects kan nakalihis na Martes. Mabukas man nin imbestigasyon an House of Representatives “Infra Committee” sa kaparehong isyu sa mga masunod na semana.
