Gadan asin irido an kadakol na mga tao sa Lapu Lapu Festival sa Vancouver, Canada, kan nakalihis na Sabadong banggi, kan banggaon kan sarong lunadan an sarong crowd sa East 41st Avenue asin Fraser Street bandang alas 8 nin banggi. (local time).
Susog sa mga kapulisan kan Vancouver, an drayber kan lunadan nasa kustodiya na ninda, alagad dai pa pigpapaluwas an saiyang pagkakabistuhan. Nagpahayag man ini nin pakikidumamay sa mga pamilyang nabayaan.
An lider kan NDP na si Jagmeet Singh, na yaon sa festival antes an nasambitan ng insidente, ilinadawan an insidente komo ‘horrified’.
Nagpasalamat man ini sa mga responders na tulos na nagsimbag sa insidente. Padagos an imbestigasyon kan mga otoridad asin sa presente mayo pang eksaktong numero kan mga nagadan asin nalugadan an pigpaluwas.
