Pigkakarkulong mapakol sa labi 700 ektaryang tanoman an posibleng maapektaran kan Bagyong Crising.

Sigun ki Agriculture Asec. Arnel de Mesa, basado sa initial analysis kan saindang regional offices, kadaklan sa mga posibleng maapektaran an mga tanoman kan paroy na nasa vegetative stage.

Mapakol sa 742,000 ektarya kan mga omahan sa Cordillera, Ilocos Region, Cagayan Valley, Central Luzon, CALABARZON, MIMAROPA, Bicol, asin Western Visayas an mahigot na binabantayan ngunyan kan Department of Agriculture (DA).

Pig-abisuhan ni Asec. De Mesa sa mga paraoman na magsunod sa mga weather advisory asin irehistro an saindang mga paroyan, tanganing enkaso maapektaran man kan bagyo, mas maparekas an recovery efforts kan mga local government unit (LGU) kabali na an pagheheras nin binhi, pataba, asin bulong orog na kun igwa nin maaapektarang mga atamang hayop.

Advertisement
Advertisement