Aram baya nindo mga ka-bombo, haros pitong kaso kan cholera sa Germany asin sa UK an pigsaysay na igwang kinaaraman sa paggamit nin tubig gikan sa pamosong banal na balon sa Ethiopia.
An tubig kaya na gikan sa balon an kontaminado palan kan Vibrio Cholerae bacteria.
Kan Pebrero ngunyan na taon, an European authorities an nasa halangkaw na alerto huli sa cholera outbreak makalihis na an tolong tawo sa Germany asin apat sa UK an nakamate kan nasambitan ng nakakaulakit na helang.
Sa pigkundusir na imbestigasyon napag-araman na an duwang pasyenteng German asin tolong pasyente kan UK an nagbisita sa lugar sarong bulan na an nakakalihis.
An iba sainda an nagbisita sa banal na balon na pig-aapod na Bermel Giorgis sa Quara district kan Africa.
An Bermel Giorgis an ipinangaranan gikan ki Saint George asin pigkokonsederar komo miyembro kan Ethiopian Orthodox Tewahedo Church na nag-iinom asin naghuhugas kan saindang lalawgon gamit an tubig.
Susog sa pagtubod ini soboot an nakakabulong nin anuman na helang.
Sigun sa report an mga European visitors asin German travelers an naghugas asin nag-inom kan tubig gikan sa balon siringman saro sa UK visitor an nagdara nin holy water asin pigheras ini.
Makalihis ini, nagpuon na sindag makamate nin sintomas siring kan diarrhea asin pagsusuka.
Huli sa nasambitan ng pangyayari, tolos man na naggibo nin paagi an mga eksperto tanganing mapugulan an pagkuriyat kan helang na sainda man mtrayumpong nagibo.
Sa ngunyan, pigpaluwas an nasambitan ng impormasyon tanganing magtao nin pagirumdom sa mga travelers na magin malikay enkaso mabisita sa mga religious na lugar.
