Mayong naginibo si House Majority Leader asin Ilocos Norte Rep. Sandro Marcos kundi i-proseso an impeachment complaint na pigsunad kontra sa saiyang ama na si Presidente Ferdinand “Bongbong” Marcos Jr.
Ini an pigsaysay ni Bukidnon 2nd District Representative Jonathan Keith Flores, Vice Chairman kan House Committe on Justice, iyong masagibo kan pagdangog asin matakda kun sapat sa anyo asin laog an impeachment complaint.
Sigun ki Flores, si Congressman Sandro an nangengenot sa House Committe on Rules, na may trabaho sa pagmamando kan dalagan kan mga lehislasyon asin proseso sa plenaryo asin sa mga komite kan Kamara.
Duon ni Flores, an Committe on Rules an marefer kan impeachment complaint sa House Committe on Justice para sa pormal na pagtalakay.
