Hinagad kan mga piskal kan Kamara sa Senado bilang Impeachment Court nin apat na dagdag na pre-trial measures para sa patas, transparent asin efficient hearing sa impeachment trial ni Bise Presidente Sara Duterte.
Sa sarong manipestasyon na isinangat ngonian na aldaw, Miyerkules, an prosekusyon nagproponer kan paggamit kan Filipino asin Ingles sa mga pagdangog, amay na pagbuyagyag kan mga testigo, pagtugot sa mga pampubliko asin pribadong piskal na siyasaton an mga testigo, asin pagbukas kan mga selyadong kahon nin mga rekord gikan sa Bureau of Internal Revenue (BIR) na nasa kustodiya kan korte.
Susog sa prosekusyon, an mga lakdang makakatabang na maparikas an pagbista, maibitaran an mga iriwal sa prosedimiento, asin mapagdanay an pokus sa pagpresentar nin mga ebidensya asin testimonya.
