Pigsuportahan kan mga judges kan International Criminal Court (ICC) Appeals Chamber an desisyon kan Pre-Trial Chamber na dapat magdanay sa karsel si dating Presidente Rodrigo Duterte.
Segun sa ICC, binabasura kan Appeals Chambers an gabos na argumento asin basehan kan apelasyon kan mga abogado ni Duterte.
Nakakuha nin unanimous voting ang five-person Appeals Chamber tanganing ibasura an kahagadan kan depensa sa Pre-Trial Chamber.
Sa sarong pahayag, bigo an depensa na aramon an mga sala kan Pre-Trial Chamber na pinagbasehan kan Panel of Experts tanganing magtao nin pinakahuring update manungod sa salud ni Duterte.
Pigkonsiderar man kan panel kan mga eksperto an duwang report manungod sa salud kan dating presidente na pigpreparar kan mga medical practitioners asin pinili kan defense team.
Poon kan Marso 12, 2025, an dating Presidente nakakulong sa ICC sa The Hague huli sa kasong Crimes Against Humanity sa saiyang kampanya kontra sa ilegal na droga poon kan siya nagin alkalde kan Davao City sagkod na siya nagin Presidente kan Pilipinas.
