Pinaburan kan International Criminal Court an kahagadan kan kampo ni dating Presidente Rodrigo Duterte na isuspendir an desisyon kan tribunal sa kahagadan kan interim release hasta sa an mga defense lawyers, malikom an gabos nin mga kaipuhan na dokumento.
Sa iniluwas na majority decision, na an Pre-Trial Chamber 1, na saindang ipagpapauktaba an pagluwas nin desisyon na may kinaraman sa interim release hasta sa mahiling kan Chamber na ini an nararapat.
Nakabugtak sa desisyon na kinontra ni Judge María del Socorro Flores Liera an ruling na primerong ipinaluwas ninda Judge Iulia Antoanella Motoc asin Judge Reine Adélaïde Sophie Alapini-Gansou.
Sigun sa Tribunal na an interim release proceedings na nakabugtak sa article 60(2) kan Rome Statue, na an mga tao na may warrant of arrest an may karapatan na maghagad nin interim release.
Enot ng inapelar kan abogado ni Duterte na si Atty. Nicolas Kaufman kan nakalihis na Hulyo 14, 2025 na an Pre-Trial Chamber an bako dae bibistuhon an interim release hasta sa gabos nin mga dokumento na kinakaipuhan an makua ninda.
Marurumdumang kan nakalihis na Hunyo kan hinagad kan kampo ni Duterte sa ICC an interim release sa dae na binanggit pa na nasyon.
Kun saen pigsaysay ni Kaufman na dae natawan si Duterte nin ano man na kondisyon na nakabugtak sa warrant asin dae man huma an dating Presidente kaya nagkakaigo na aprubaran an interim release.
