NAGA CITY- Nanindugan an grupo kan Gabriela na kadakol an mga importanteng isyu na dapat na tawan nin atensyon kan gobyerno urog na kan Kongreso alagad napapasipara ini dara naman sa iwal kan nagkapirang mga opisyal.
Sa entrevista kan Bombo Radyo Naga ki Congw. Arlene Brosas hale sa Gabriela partylist, sinaysay kaini na kadakol mga problema sa nasyon an dapat na tawan nin maninigong atensyon kan gobyerno arog na sana kan pagtatao nin daga sa mga paraoma, an pagtatao nin mas halangkaw na sweldo sa mga obrero asin an kakulangan nin trabaho.
Dae suboot natatawan nin maninigong atensyon asin prayoridad an nasambitang mga isyu sa nasyon huli naman ta ini-enot pa an problema kan mga pulitiko.
Enot pa kaini, sinaysay ni Brosas na nahahandal sinda sa pag-tuga ni House Speaker Pantaleon Alvarez na igwa siya nin extra-marital affairs.
Marurumduman na kan nakaaging aldaw, nagkaigwa nin riribayan nin maiinit na tataramon sa pag-ultanan kan House Speaker asin kan kapareho kaini kongresista na si Davao del Norte Rep. Antonio Floirendo Jr.
