Kumpiyansa si Finance Sec. Ralph Recto na an inflation rate sa nasyon padagos na mababa, o an lebel kan paglangkaw kan presyo kan mga barakalon.
Sa Malacañang press briefing, sinaysay ni Recto na mapadagos an downward trend kan inflation.
Sa katunayan, ipigsaysay na posibleng magluway an inflation sagkod sa 2.5% ngunyan na Setyembre.
Huli ini kan pagbaba kan taripa sa bagas, siring man an iba pang pagbaba sa presyo kan mga barakalon.
Kan nakalihis na Agosto – an inflation an nagluway sa 3.3%.
Piglalaoman na ipapaluwas kan Philippine Statistics Authority (PSA) an saindang Setyembre inflation report sa enot na semana kan Oktubre.
