Ipinagsugo kan Department of Education (DepEd) an institusyonalisasyon kan School Sports Clubs (SSCs) sa mga public elementary asin secondary schools sa nasyon.
Sigun sa DepEd, obheto kan lakdang na ini na i-promote an holistic development asin man physical fitness sa mga estudyante, asin labanan an “pandemic-driven learning loss.”
Sigun ki Education Secretary Sonny Angara, kun igwa nin marahay na kondisyon kan lawas, mas malinaw an isipan. Kun mas aktibo an mga kaakian, mas preparado sindang makanuod asin man humabol sa anumang nawalat na kaaraman kan pandemya.
Bako sana soboot ini manungod sa pagkakawat, kundi manungod ini sa disiplina, teamwork, asin tibay kan buot. Mga katangiang dapat bitbit kan estudyante hasta sa tunay na buhay.
Susog man sa DepEd, nagsasabay an SSC program sa Physical Education curriculum na nag-aalok nin duwa hasta sa tulong oras nin supervised sports activities kada semana.
Ini man an kasunod kan datos na tinukoy kan DepEd na nagpapahiling kan bigong maabot kan mga aki o jovenes na mga Pinoy an rekomendasyon kan World Health Organization na 60 minuto nin katamtaman hasta sa vigorous daily physical activity.
Susog sa DepEd, an Arnis an magigin mandatory mantang an iba pang mga sport an iaalok basado sa interes kan mga estudyante, available na pasilidad asin man mga kagamitan.
Pig inakmnianr man an unified sports kun saen an mga estudyante “with and without disabilities” an pig inganyar na magkawat nin iribahan asin may obheto nin inclusivity, pakusugon an pag iiribahan, asin bawasan an bullying incidents.
Magigin voluntary asin man inclusive man an membership asin igwa nin probisyon para sa mga learners with disabilities asin mga nasa Alternative Learning System. Sinaysay kan DepEd na an presenteng sports clubs an dapat na naaayon sa bagong polisiya, mantang an mga eskwelahan na mayo kaini an obligadong magtatag nin inaapod na SSCs o School Sports Clubs.
Sigun pa ki Angara, an pag-iinvest sa school sports an pag-iinvest man sa academic performance. Sa kada oras na ginugugol ninda sa kawat asin man ensayo, pinapakusog man an saindang konsentrasyon, memorya, asin kakayahang magtrayumpo sa klase.
