Nagpatanid an Iran na masagibo sinda nin full-scale offensive kun magpadagos pa an military strikes kan Estados Unidos.
Ginibo an babalang ini ni Mohsen Rezaei, sarong halangkaw na opisyal kan Islamic Revolutionary Guard Corps (IRGC) asin military adviser kan Supreme Leader na si Mojtaba Khamenei.
Sigun sa report kan sarong state-owned media, sinabi kan military adviser na kun magpadagos pa an mga pag-atake kan Amerika sa laog nin duwa o tulong aldaw, popoonan na ninda an full-scale offensive operations.
Ginibo an pahayag pagkatapos makumpleto kan Estados Unidos an ikapitong sunod na aldaw kan mga pag-atake sa Iran, asin kasabay man kan pahiganti kan Iran sa mga Arab allies kan Estados Unidos.
Nagbabala pa an Iranian military leader na mayo nin politikal na border na ligtas sa opensiba kan saindang pwersa, asin idinagdag niya na dapat magbayad an Estados Unidos sa danyos na idinulot kan mga pag-atake kaini sa Civilian Infrastructure kan Iran.
