NAGA CITY- Piglalaoman kan komitiba na namamayo sa isasagibong civic and float parade sa aga, Setyembre 19, 2024 an halawig na parada huli sa kadakol na partisipantes kan nasambitan ng aktibidad.
Sa nagin paghampang sa mga kagawad kan media ni City Administrator Elmer Baldemoro, sinaysay kaini na kinaipuhan na magpaluwas kan updated o revise order of parade nin huli ta kadakol an nagdugang pa sa listahan.
Katakod kaini, labi sa 400 na mga contingents an mapartisipar sa parada kun saen sa float contingent tolo an competing.
Sigun pa sa opisyal, kadakol na mga grupo an nagsignify ng interest na magbali sa civic and float parade na ini kun kaya piglalaoman na matatapos pasado ala 1 o 1:30 nin pagkahapon.
Pigtawan duon man ni Baldemoro, na rain or shine dagos an parada asin aram naman soboot ini kan mga mapartisipar.
Mientrastanto, mapuon an parada alas 7 nin pagka-aga.
Sa ngunyan, hagad na sana kan opisyal an marhay na kamugtakan kan panahon tanganing magin marhay man an nasambitan ng aktibidad.
