Nagbaba sa nasa 120.3 million as of October 2024 an populasyon kan Japan, basado sa opisyal na data.
An nasambitan ng datos nagpapahiling na nagbaba sa nasa 898,000 katawo an populasyon kan nasambitan ng nasyon kan nakalihis na taon.
Susog sa report, an birth rate sa Japan an saro sa pinakahababa sa bilog na kinaban na nagreresulta sa pagbaba kan workforce, kadikit na consumers asin pagbaba sa numero kan mga negosyo na nagre-recruit nin mga obrero.
Sigun sa Internal Affairs Ministry, an numero na ini an pinakadakulang pagbaba na naikurit puon kan puonan kan gobierno an pagkolektar kan data kan 1950.
Tanganing masimbagan an problema an gobierno kan Japan nagtatangro nin asistensiya sa mga joven na pamilya na mawot magka-aki alagad dae kaya huli sa pinansyal na rason.
An populasyon kan Japan kabali na an foreign nationals an nagbaba sa nasa 550,000 katawo gikan sa 123.8 million, ini an haros 14 sunod-sunod na taon na pagbaba.
Kadakol na mga jovenes sa Japan delay an pag-aagom o pagkakaigwa nin aki huli sa manlaen-laen an rason. Huli kaini, pigpurbaran kan Japan na langkawan an sweldo kan mga jovenes asin nagtatangro nin tabang para sa mga mawot nang magka-aki.
