Pigsierto kan Departmemt of Agriculture (DA) na mayo nin anumang kakulangan sa supply kan mga produktong manok sa mga merkado sa ibong kan nagin pagpapautob kan import ban kan mga nasambitan ng produkto gikan sa Brazil.
Sigun sa departamento, nag-angat nin import ban sa nasambitan ng nasyon nin huli sa naikurit na kaso kan Highly Pathogenic Avian Influenza (HPAI) o bird flu sa parte kan Montenegro, Rio Grande do Sul.
Pagsisierto ni Agriculture Secretary Francisco Tiu Laurel Jr., na bako sanang sa Brazil an sulamenteng supplier kan manok sa Pilipinas asin igwa pa nin mapagkukunan kan produkto gikan sa iba pang mga nasyon komo alternatibong resources.
Sa ibong kaini, posibleng sarong ‘brief supply gap’ sana an piglalaoman na maeeksperyensiyahan kan mga merkado sa laog sana kan saro hasta duwang semana huli ta sa presente, marhay man soboot an poultry industry ngunyan sa nasyon.
Mientrastanto, puon kan Pebrero, 44.15 milyong kilograms kan manok an naresiber na import gikan sa Brazil sigun sa nagin datos kan Bureau of Animal Industry (BAI).
