House Majority Leader asin Ilocos Norte Rep. Ferdinand Alexander “Sandro” Marcos naghagad nin congressional briefing manungod sa nagdadakulang tensyon sa Middle East tanganing mabantayan an sitwasyon asin masiguro an kaligtasan kan mga overseas Filipino workers (OFWs) sa rehiyon.
Sinabi ni Majo Marcos na an liderato kan Kamara sa irarom ni Speaker Faustino “Bojie” Dy III nagboot sa mga House Committees on Foreign Affairs asin Overseas Workers Affairs na magsagibo nin sarong joint briefing sa Marso 11, 2026.
An briefing an igwang obheto na makua an pinakabagong report manungod sa sitwasyon sa Middle East asin an pagigin andam kan gobyerno na tabangan an mga Pilipino na nagtatrabaho sa mga apektadong nasyon.
Piglalaoman na iimbitaran an mga opisyales hale sa Department of Foreign Affairs (DFA) asin Department of Migrant Workers (DMW) tanganing magtao nin datos sa bilang kan mga Pilipino sa mga apektadong lugar, presenteng kondisyon kan seguridad, asin mga contingency plan arog kan posibleng evacuation o repatriation kun kinakaipuhan.
Pigduon ni Marcos na dakula an papel kan mga OFWs sa pagsuporta sa milyones na pamilyang Pilipino asin sa estabilidad kan ekonomiya kan nasyon, kun kaya kaipuhan na sigurohon kan gobyerno na preparado ini sa pagprotehir kan saindang karahayan.
