Nakapagkurit nin 11 datos kan pagyugo-yugo an Bulkang Kanlaon ngunyan na aldaw kabali na an duwang volcanic tremors na naghaloy nin 3-4 na minuto.
Basado sa datos na iniluwas kan Philippine Institute of Volcanology and Seismology (PHIVOLCS), nagbuga man nin haros dae mababa sa 4,328 tonelada kan sulfur dioxide asib labi 150 metrong langkaw na plume an bulkan sigun sa latest bulletin kasubagong pagkaaga.
Nagtitinir man na namamaga an bunganga kaini asin hiling an mga deformities kaini.
Mientrastanto, nagtitinir man na nakalangkaw an Alert level 3 sa bulkan kun saen ipinagbabawal pa man an paglupan kan masku anumang behikulong pamhimpapawid harani sa bunganga kan bulkan asin an paglaog sa laog kan 6-kilometer radius gikan sa tuktok kan bulkan.
Nagpagirumdom man an PHIVOLCS sa mga residente sa posibleng biglaang pagsabog, pagbubuga kan lava, pag-uran nin abo, rockfall asin pagdaloy kan lahar kun may makukusog man na pag-uran.
