Nakaguno nin manlaen-laen na reaksyon gikan sa mga organisasyon asin lideres sa bilog na kinaban an kaplanuhan ni US President Donald Trump na i-take over an Gaza.
Marurumduman, nagpromesa si Trump kan nakalihis na Martes, Pebrero 4 na iti-take over kan US an Gaza Strip. Papakarhayon soboot an lugar asin makrear nin ribo-ribong trabaho para sa mga namamanwaan.
Ini an pigsagibo kan Presidente sa sarong joint press conference kan magbisita si Israeli Prime Minister Benjamin Netanyahu.
Enot naman na pigsuhestyon ni Trump an permanent resettlement kan mga Palestinian gikan sa Gaza, pasiring sa mga pagtaraid na nasyon asin pig-apod an lugar na sarong demolition site.
Dae naman direktang pigsimbagan ni Trump an kahaputan kun anong mandato o kapangyarihan an magigin saklaw kan US sa oras na kuonon ini kan Gaza.
