Padagos an paglangkaw kan kaso nin rabies sa nasyon.
Sa pinakahuring datos hale sa Department of Health (DOH), igwa nang total na 354 na kaso nin rabies hasta kan Setyembre 14.
Ini labing 20 porsyento na mas halangkaw kisa sa 287 na nairehistro sa parehong panahon kan nakaaging taon. Sa bilog na bulan nin Agosto, 27 bagong kaso nin rabies an naikurit kan Department of Health.
Dugang pa kan Department of Health na an gabos na kumpirmadong kaso nin rabies an nakakagadan urog na kun magluluwas na an sintomas.
Liwat na nagpagirumdom an Department of Health sa publiko na tulos na magpabakuna asin patudukan man an mga ataman na hayop enkaso ma-expose sa virus.
Pigkakarkulong mapakol sa 22 milyones an numero kan mga ayam asin pusa sa nasyon.
