Nadukayan na mayo na nin buhay an South Korean actress na si Kim Sae-ron sa laog kan saiyang harong kasuudma, Pebrero 17, 2025.
An lawas kan 24-anyos na aktres an nadiskubre kan saiyang amigo makalihis na dae mag-atender sa scheduled meeting.
Katakod kaini, mayo man nahiling na sinyales kan foul play alagad nagpapadagos an pigkukundusir na imbestigasyon sa tunay na rason kan pagkagadan kaini.
Marurumduman, nagpuon sa saiyang acting-career sa edad na 9-anyos, na kun saen nakaguno nin kadakol na atensyon sa paagi kan action thriller film na “The Man from Nowhere” kan taong 2010.
Kan nakalihis sana na taon, piggampanan kaini an led role sa mystery series “The Great Shaman Ga Doo-shim” (2021) kaibahan si Nam Da-reum.
Apwera digde, nagkaigwa man ni supporting role si Kim sa action drama na “Bloodhounds” kan 2023.
An aktres an paramientras na nawara sa spotlight asin dae nagin active sa entertainment industry huli sa drunk driving incident kan 2022.
Kan taong 2024, nagin sentro man ini kan mga bareta makalihis na ma-link sa aktor na si Kim Soo-hyun sa dating rumors.
