NAGA CITY-Nakumpiskar an labi ₱100,000 na kantidad nin ilegal na droga sa Sariaya, Quezon.
Binisto an suspek na si alyas Unad, 46 anyos, residente kan Brgy. Malabanban Sur, Candelaria, Quezon.
Sa nagunong impormasyon kan Bombo Radyo Naga sa Quezon Police Provincial Office, napag-araman na pig-arestar an suspek makalihis na makabakal igdi an nagpamalo-malong parabakal kan mga awtoridad nin sarong pidaso nin heat-sealed transparent plastic sachet nin pinagtutubudang shabu.
Kan kinapkapan an suspek nakua pa igdi an duwang pidaso nin heat-sealed transparent plastic sachet nin pinagtutubudang ilegal na droga asin an buy-bust money.
May totalmente man soboot na gabat nin 6.9 grams an pinagtutubudang ilegal na shabu asin nagkakantidad nin ₱140,760.
Sa ngunyan, pigdara na an suspek sa Sariaya Municipal Police Station para sa magkakanigong disposisyon.
