Nag-atendir an labi 1,000 Pilipinong nurses sa mahewasang hospital strike sa New York City.
Kaibahan an mga ini sa pigkakarkulong 15,000 nurses gikan sa mga pribadong ospital na nagsagib nin strike.
Kadaklan sa mga Pilipinong nurses na nag-atendir sa strike an nagtatrabaho sa 10 ospital na nasa irarom kan New York-Presbytarian, Mount Sinai asin Montefiore.
Pigsagibo kan mga nurses an walkout kasunod kan deadlock sa negosasyon katakod kan saindang hinaing para sa mas halangkaw na sahod asin mas maayos na mga benepisyo.
Hinaing man kan mga nurses na nagtitinir na understaff an mga ospital, na nagkakaigwa nin seryosong concern katakod sa kasalbaduhan kan mga healthcare asin mga pasyente.
Sigun ki New York Consul General Senen Mangalile, naglalaom an konsulada na maresolbaran sa orog na marekas na panahon an disput sa pag-ultanan kan New York State Nurses Association asin pamunuan kan mga ospital.
Nagpahayag man nin kumpiyansa an Konsulada na mahihiling o bibistuhon kan mga employer an mahusay na mga katangian kan mga Pilipinong nurses.
Enot na digde nagdeklarar si New York State Governor Kathy Hochul nin state of emergency tanganing masierto an salud asin kasalbaduhan kan publiko kaibahan an mga pasyente.
