Pigkumpirmar kan Department of Education na labi sa 2.6 million na estudyante an apektado kan dai pa sana nahahaloy na bagyong Julian sa nasyon.
An danyos na dara kan siring na maraot na panahon sa mga edipisyo o eskuelahan maabot man sa haros ₱85-milyones.
Basado sa datos kan ahensya, 8,200 na eskwelahan sa nasyon an apektado kabale an 37 Divisions hale sa limang rehiyon.
Kabali digdi an Ilocos, Cagayan Valley, Cordillera, Central Luzon, asin an rehiyon kan CALABARZON. Gikan sa bilang na iyan, 22 na eskwelahan an binaha mantang 23 na eskwelahan an ginibong evacuation centers.
Nakarekord man an DepEd nin maabot sa 14 na eskwelahan na totally damaged asin 100 na eskwelahan na partially damaged.
Apwera sa mga estudyante, apektado man kan bagyo an labi sa 130,000 na paratukdo asin non-teaching personnel.
