NAGA CITY – KUMPISKADO an labi P500-K na kantidad kan ilegal na droga sa duwang suspek sa pigsagibong buybust operation sa Lucena City.
Binisto an mga suspek na sinda alyas Jeff, sarong High Value Individual, 41-anyos, residente kan Brgy. Anos, Tayabas City, asin si alyas Nelson, 41-anyos, residente kan Brgy. Tumbaga, Sariaya, Quezon.
Sa nagunong impormasyon kan Bombo Radyo Naga sa Quezon Police Provincial Office, napag-araman na nakabakal sa duwang suspek an posuer buyer nin sarong pidaso kan heat-sealed transparent plastic sachet kan pinagtutubodang shabu gamit an P1,000 boodle money.
Mientrastanto, igwa man nin gabat na mapakol sa 25.66 grams asin nagkakantidad nin P523,464.00 an nakumpiskar na iligal na droga sa mga suspek.
Sa ngunyan, nasa kustodiya na kan mga otoridad an mga suspek para sa magkakanigong disposisyon.
