Posibleng maapektaran an total na sarong milyon na ektarya nin mga omahan sa darakulang parte kan nasyon.
Segun sa Department of Agriculture (DA), dakulang parte kaini mga paroyan. Basado kaya sa datos kan DA, 15.7% kan mga paroyan sa mga lugar na posibleng mag-agi sa bagyo an nasa seedling asin vegetative stage pa mantang 48.6% an nasa maturity stage.
Piglalaoman na mararaot an mga ini huli sa makusog na duros asin makusog na pag-uran na posibleng magresulta sa mahiwas na pagbaha.
Apwera digdi, pigbabantayan man kan DA an labi sa 75,000 hectarya nin plantasyon kan mais na posibleng maapektaran man kan panlalamasa kan nasambitan ng bagyo.
