Liwat naglangkaw an tubig sa nagkapirang major dam sa Luzon huli sa mga serye kan pag-uran sa laog kan nagkapirang aldaw.
Basado sa report kasuodma kan Hydrology Division kan state weater bureau, pira sa mga dam an nadugangan nin labi duwang metro na lebel kan tubig sa nakalihis na 24 oras.
Nangengenot sa mga nakapagrehistri nin halangkaw na lebel iyo an Magat Dam na nadugangan nin 2.78 meters, rason tanganing maglampas na ini sa normal na high water level (NHWL) na 190 meters.
Sinundan ini kan Binga Dam na nagrehistro nin 2.15 meters mantang 1.87 meters an naidugang sa Ambuklao.Apwera sa tolong darakulang am, naglangkaw man am lebel kan tubig sa Pantabangan Dam, asin Angat Dam sa Central Luzon.
Huli sa padagos na pag-uran, pigbabantayan kan weathe bureau an sitwasyon sa gabos kan mga dam, para sa tulos na pagluluwas kan abiso, orog na kun kinakaipuhang magbukas nin floodgate.
Sa presente sulamenteng an Magat Dam an igwang nakabukas na gate. Duwa sa floodgate kaini an nagpakawara nin tubig na maabot sa 816.78 cubic meters per second.
