NAGA CITY- Naghagad an lokal na gobierno kan siyudad nin Naga sa lado kan TESDA nin mga kursong makakatabang sa mga empleyado kan City hall.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na obheto kan nasambitan ng lakdang na tawan nin opurtunidad an mga empleyado kan LGU-Naga na madevelop an saindang kakayanan, mapalangkaw an saindang skills asin mapanuan an mga kakulangan.
Sigun pa ki Robredo, kamawotan kaini na an mga empleyado kan City hall mas gulping balon na mga values, adal na saindang magagamit sa mga masunod na panahon o enkaso maghanap nin ibang trabaho.
Dugang pa kan alkalde, pangiturugan kaini na gibuhong professional an City Hall asin orog pang magtalubo an mga empleyado para sa saindang ikakarahay.
An gabos soboot na ini an padagos na pigtutulod katabang an mga magkakanigong opisina sa City Hall tanganing magin posible sa mga masunod na aldaw.
Sa ngunyan, yaon an pagsierto ni Robredo na padagos na maglalapigot an saindang lado para sa ikakarahay kan bilog na siyudad nin Naga.
