NAGA CITY- Padagos an paglalapigot kan lokal na gobierno kan siyudad nin Naga na masimbagan an problema sa basura sa siyudad.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na nagpapadagos an saindang paglinig sa mga creek kun saen igwa nang duwa an natapos, ini an sagop asin catmon creek sa may parte kan Magsaysay.
Sigun pa sa opisyal, padagos man an saindang declogging na ginigibo kun saen haros nakakua na sinda nin nasa 200 pounds na basura.
Katakod digde, an mga decloggers an yaon ngunyan sa may parte kan Sabang Elementary School alagad igwa pang nakalinyadang mga lugar kun saen ikukundusir an nasambitan ng declogging.
Pigtawan duon kan alkalde na obheto kan nasambitan ng lakdang an mabawasan an pagbaha na labing nakakaapektar orog na sa nasa hababang area kan siyudad.
Apwera digde, pinag-uulayan man an dapit sa garbage collection kan saindang siyudad kun saen igwa naman soboot nagsabi na matabang alagad padagos pa ining pig-aasikado.
Sa ngunyan, pigsierto na sana ni Robredo na dae nag-uuntok an saindang lado tanganing masimbagan an mga nagbubutwa na problema sa bilog na Naga City.
