Pig-anunsyar kan Liberal Party (LP) na hahalion sa partido an sisay man na miyembro na mapapatotoohang imbwelto sa korapsiyon.
Sigun ki Pangilinan na malinig soboot sinda kan sainda man na linyada kun saen sinaysay pa kaini na dapat magpuon an paglilinig sa paagi kan transparency.
Dugang pa kaini na gabos kan opisyal kan Liberal Party magpuon sa pinakahalangkaw hasta sa pinakahababa an dapat na iluwas sa publiko an saindang Statement of Assets, Liabilities, and Net Worth (SALN).
Komo patotoo kan saindang paninindugan, kusang isinapubliko ninda Pangilinan asin Representative Leila De Lima kan Mamamayang Liberal (ML) Partylist an saindang SALN sa nasambitan ng pagtitipon – sarong lakdang na obhetong itaguyod an paninimbagan asin enkaminaron an iba pang opisyal kan gobyerno na arugon ini.
Pigtawan-duon man ni De Lima na saro sana an pigkakaputan nindang prinsipyo kan mga liberal democrats sa bilog na kinaban – karapatang pantao, paninimbagan asin marhay na pag-gobernar.
