Pigtawan duon ni House Deputy Minority Leader at Mamamayang Liberal (ML) Party-list Rep. Leila de Lima na dapat nasa default mode o otomatiko an livestreaming kan gabos kan mga pagdangog kan Independent Commission for Infrastructure (ICI) tanganing magin epektibo asin transparent.
Sigun pa ki De Lima, an executive sessions an dapat sulamanteng sa bihirang pagkakataon sana asin mga exception na basado sa desisyon kan Supreme Court.
Huli kaini, pigsaysay pa ni De Lima na kaipuhang busision an panundunan kan ICI pag-abot sa livestreaming, orog na kun igwang mga probisyon na dae naaayon sa Konstitusyon asin mga ley.
Paliwanag ni De Lima, an ICI hearings an maikokonsiderar na mga transaksyon na igwang kinaaraman sa interes kan publiko huli ta dapit ini sa mga alegasyon kan pagbulsa sa kwarta kan taumbayan.
Pigsuhestyon pa ni De Lima sa ICI na likayan an impresyon o obserbasyon kan over-judicialization sa mga proceedings kaini huli ta bako man ining korte.
Kaya an mga investigative o evidence-gathering proceedings kaini dae kaipuhan na magsunod sa mga istrikto asin napaka-pormal na rules asin proseso kan sarong korte.
