NAGA CITY- Palaisipan ngunian an ;pagkagadan kan sarong lolo sa laog kan sarong hotel sa ciudad nin Naga.
Binisto an biktima na si Stephen Penilla, 68-anyos.
Sa entrevista kan Bombo Radyo Naga ki SPO2 Tobby Bongon, tagapagtaram kan Naga City Police Office (NCPO), sinysay kaining dai na naghahangos an biktima kan madukayan sa laog kan sarong kwarto sa CBD Hotel sa Barangay Triangulo, sa nasambitan ng ciudad.
Sigon ki Bongon, gikan sa Pampanga si Penilla asin nagbisita sana sa ciudad.
Makalhis suboot na madiskobre kan bellboy an lawas kan biktima, tulos man ining idinalagan sa ospital alagad dai na ini naisalbar pa.
Sa ngunian, nagpapadagos pa an imbestigasyon kan mga otoridad para maaraman kun igwang foulplay sa pangyayari.
Kun marurumduman, pantolo na ngunian an nasambitan ng insidente na nairehistro kan kapulisan kun sain nadudukayan na sana na mayo nang buhay an mga biktima sa
magkakasuhay na lodging house asin hotel sa ciudad huli sa manlaenlaeng rason.
