NAGA CITY – Patay ang isang lolo matapos malunod sa Calauag, Quezon.
Kinilala ang biktima na si Virgilio Sumbre Canete, 60-anyos residente ng Brgy. Talingting sa nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na nagpaalam umano ang biktima sa kaniyang kamag-anak na mangingisda lamang ito sa karagatang sakop ng nasabing barangay nang hindi na ito makauwi.
Sa inisyal na imbestigasyon ng mga awtoridad, napag-alaman pa na sa kapareho ring araw, natagpuan ang wala nang buhay na katawan ni Canete habang nagpapalutang-lutang sa may pampang nang nasabing karagatan.
Samantala, wala namang nakitang foul play sa nasabing insidente.
Sa ngayon, nagpaatuloy pa rin ang isinasagawang imbestigasyon ng mga awtoridad hinggil sa pangyayari.
