Pigbabalangkas na kan panundonan an Land Transportation Franchising and Regulatory Board (LTFRB) na saindang ipapauntok an pagrerenew sa mga prangkisa kan mga raraot na public utility vehicles.
Sinaysay ni LTFRB Chairperson Vigor Mendoza na kun natapos na an nasambitan ng panundonan, dae na sinda marenew nin mga prangkisa kan mga pampasaherong lunadan na raraot na.
Sakop kaini an mga traditional asin modern jeepneys, buses magin an mga taxis. Personal kaya kaining naeksperyensiyahan an pagsakay nin jeep sa Visayas kun saen igwang dakulang labot ini sa tahaw magin an mga drivers an dae nakasulot nin tama siring kan naka-tsinelas, sando, asin short sana an mga ini.
Saindang papag-urulayan an nasambitan ng panundonan sa mga gigibuhon nindang pag-urulay sa mga masunod na semana.
