Nakatalaan maghampang sa korte kan Amerika si Venezuelan President Nicolas Maduro makalihis maarestar, sigun ki US Attorney Pam Bondi sa saiyang social media post ngunyan na aldaw nin Sabado, Enero 3, 2026.
Pigtukdo ni Bondi an indictment kontra ki Maduro na pig-akusaran kan “Narco-Terrorism Conspiracy, Cocaine Importation Conspiracy, Possession of Machineguns and Destructive Devices, and Conspiracy to Possess Machineguns and Destructive Devices against the United States.”
Pigkasuhan si Maduro kan Southern District of New York kan 2020 alagad dae pa malinaw sa ngunyan an eksaktong kinamomogtakan kan Venezuelan President.
Pigpasalamatan man kan US Attorney General si US President Donald Trump asin US military, na nasagibo nin nakakamangha asin matrayumpong misyon tanganing dakupon an soboot duwang international narco traffickers.
Enot nang pig-anunsiyar ni Trump ngunyan na aldaw nin Sabado, oras sa Amerika, na naarestar na si Maduro kaibahan si First Lady Cilia Flores makalihis an paglunsar kan large-scale strikes kan US military sa Venezuela.
