NAGA CITY– Gadan an duwa katao mantang iridu naman an duwang iba pa makalihis masunod an harong kan sarong pamilya sa Purok 5, Brgy. Dalnac, Paracale , CamarinesNorte.
Binisto a nagadan na si Nerissa De lemios, 37 asin an 8-anyos kaining aking babae mantang iridu naman sinda Mike De lemios 47-anyos asin 15-anyos na aki.
Sa nahunong impormasyon kan Bombo Radyo Naga, napag-araman na bigla na sanang nagbungkaras an kasulo sa nasambitan ng harong makalihis mag-overheat an nagkapirang appliances sa laog kan kaini.
Tulos man na nakaresponde an kabuhan kan Bureau of Fire Protection (BFP) asin Philippine National Police (PNP) para mapugulan an paglakop kan kalayo.
Naghaloy nin haros sarong oras an kasulo antes naideklarang fire out kan BFP.
Huli sa matinding tama sa lawas na sinapo kan mag-ina, tulos ining binawian nin buhay mantang nagpaparahay pa an mag-ama na nagsapo man nin danyos sa saindang lawas.
