Kinumpirmar ni Vice President Sara Duterte na tinugutan nang makalaog an common-law wife asin aki ni FPRRD na si Honeylet Avanceña asin Veronica “Kitty” Duterte tangani bisitahon an dating Presidente sa laog kan ICC detention facility.
Si Duterte an presenteng nasa The Hague, Netherlands makalihis na arestaron sa Pilipinas sa bisa kan arrest warrant kan ICC sa kasong crime against humanity na may kinaraman sa madugong war on drug kan saiyang administrasyon.
Sigun ki VP Sara, naghaloy an pagbisita ni Honeylet Avanceña asin Veronica “Kitty” Duterte nin tulong oras kasabay kan ika-80 kumpleanyo kan dating Presidente.
Soboot, pigbayaan nindang magpalihis nin oras an mag-ina kaiba si FPRRD nin huli ta limitado man sana an saindang pagtinir sa The Hague.
Si Kitty Duterte an aki kan dating Presidente sa saiyang common-law wife na si Honeylet mantang si VP Sara, Cong Paolo asin Sebastian Duterte an aki kan dating Presidente sa saiyang dating agom na si Elizabeth Zimmerman.
Makalihis an pagbisita, nakipaghilingan an duwa sa mga taga suporta kan dating Presidente.
