Pigtintaan ni Presidente Ferdinand “Bongbong” Marcos Jr. an Senate Bill No. 2221 asin House Bill No. 7325 o Magna Carta for Filipino Seafarers.
Sa ceremonial signing na pinangenotan kan Presidente sa Malakanyang, sinaysay kaini na an importansya kan bagong ley na obhetong ipaglaban an derichos asin pag-apresyar sa mga seafarers na nagtatrabaho asin nagsasakripisyo sa ibang nasyon.
Sinabi pa ni Presidente Marcos na an matanos na sweldo bako sanang manungod sa pantay na numero sa sweldo kundi dapat man na makakua nin pantay na kompensasyon an mga seafarers sa saindang kahigosan asin dedikasyon.
Pag-abot man soboot sa kondisyon sa trabaho, an mga kumpanya an dae sana dapat nakatutok sa pagsunod kundi dapat man masierto an kasalbadohan asin proteksyon bako sana gikan sa mga peligrong inaatubang alagad siring man sa pananamantala asin diskriminasyon.
Idinugang pa kan Presidente na an Magna Carta susog sa standards of training, Certification and Watchkeeping (STCW) siring man an pag-ako kan global maritime labor laws.
Sa paagi kaini, sierto na an satuyang mga seafarer an dae sana nagsusunod alagad matibay asin preparadong hampangon an mga anggat kan nagbabagong industriya kan maritime.
