Pigyugo-yugo nin magnitude 7.2 na linog an southern Peru ngunyan na aldaw, Hunyo 28, 2024.
Igwa nin rarom na 28 kilometers o 17 miles an pagyugo-yugo sigun sa US Geological Survey (USGC).
Nagpatanid man an Pacific Tsunami Warning Center para sa posibleng tsunami waves na pigkakarkulong igwa nin langkaw na saro hasta tres metros sa mga baybayon sa Peru.
Katakod kaini, nag-isyu man an Geophysical Institute kan Peru nin tsunami alert, boot sana kaining saibuhon na dapat i-activate kan mga awtoridad an mga protocol tanganing siertohon an kasalbaduhan kan mga residente huli sa posibleng tsunami.
Nagtama an linog walong kilometro sa sulnupang parte kan Atiquipa asin 600 kilometers gikan sa timog kan kabisera kan Peru.
Sa ngunyan, nagsasagibo na nin assessment an mga awtoridad sa danyos sa mga struktura asin enkaso igwa nin nalugadan o binawian nin buhay sa makusog na pagyugo-yugo.
