NAGA CITY – Kumpiskado ang mahigit P120-K na halaga ng iligal na droga sa isinagawang buybust operation ng mga awtoridad sa Tiaong, Quezon.
Kinilala ang suspek na si Roniel Nuñez Aguila, alias Pungay, 39-anyos, residente ng Mabato Brgy Ayusan 1 sa naturang bayan.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na maliban sa buybust item nakumpiska pa sa suspek ang nasa 6.05 grams na shabu at tinatayang nagkakahalaga ng P123,420.00.
Samantala, ang nasabing suspek ay isa rin umanong High Value Individual at umana’y suspect sa pagpatay sa isang Michael Dela Cruz Garcia noong nakalipas na Marso 22, 2022.
Sa ngayon, nasa kustodiya na ng mga awtoridad ang suspek para sa karampatang disposisyon.
