NAGA CITY – Piglatag ni Donald Trump an saiyang mga kaplanuhan makalihis na manumpa komo bagong Presidente kan Estados Unidos.
Sa report ni Bombo International News Correspondent Vellie Dietrich Hall, gikan sa USA, sinaysay kaini na sa nakalihis na Inagurasyon ni Trump nakapalaog sa saiyang patara-tara an mga programa asin ley na saiyang ipapautob siring na sana kan pagdeklarar sa mga drug cartel komo terrorists organization; sulamenteng 2 kasariansana an irerekognisar kan saiyang administrasyon an babae asin Lalaki; pagbwelta kan US sa golden age pati naman an pagbweltada kaini kan free speech sa Amerika.
Dugang pa ni Hall, sa nakalihis na Inagurasyon, pigsaro kaini an mga ordinaryong mga Americans asin nagrepresentar kan saindang mga kahagadan.
Sa ngunyan, mensahe na sana ni Hall sa mga Pilipino na nasa Amerika na magsunod sa mga panundunan na pigpautob o ipapautob kan bagong administrasyon tanganing dae mabugtak sa alanganin na sitwasyon.
