NAGA CITY – Pigkondusir sa Barangay Poro, Canaman an sarong libreng medical asin dental mission mantang an nasambitang aktibidad nagin dakulang tabang soboot para sa mga residentes.
Sa entrevista kan Bombo Radyo Naga ki Alfred A. Aguilar, Barangay Kapitan kan Barangay Poro, Canaman, an sainda soboot nin pigsagibo nin medical asin dental mission pigkondusir kan mga medical team gikan sa provincial government kan Camarines Sur.
Dugang pa kaini an pinakaobheto kaini sinda makatao nin bastante, episyente, asin epektibong health care service sa saindang mga kabarangay. Less hassle naman soboot ini sa saindang mga kabarangay, kun saen dai na ninda kakaipuhanon na magsiring sa sarong health center o ospital tangani na makapagpa-check-up asin maka-avail nin libreng medical.
Sigun ki Aguilar igwa man nin itataong libreng bulong an nasambitang medical team. Dakul man soboot an nanotaran kaini na nag-avail kan pig-oopresir na libreng bunot nin ngipon. Dugang pa kaini saro ini sa pinakakaipuhan kan saindang mga konstituwentes sa saindang barangay.
An pig-oopresir man soboot na medical asin dental mission bako sana nin para sa mga taga-Barangay Poro, kundi bukas ini sa gabos nin taga-Canaman, asin man sa saindang mga kataraid nin barangay. Nanotaran man kaini na bako sana nin mga gikan sa saindang barangay an nag-partisipar sa nasambitang medical asin dental mission.
Ini man soboot an enot na medical asin dental mission sa saindang barangay ngunyang taong 2024.
