Nakatalaan na magbweltada sa Manila an Korean idol na si Sanha gikan sa South Korean boy group na ASTRO.
Ini an kasabay kan saiyang ikukundusir na fan concert sa Agosto 24.
Katakod kaini, an nasambitan ng concert an isasagibo sa SM North EDSA Sky Dome sa Quezon City.
Apwera digde, pig-anunsyar man kan agency ni Sanha an saiyang global tour sa Asya asin America.
An nasambitan ng tour an pupuonan sa paagi kan duwang aldaw na fan concert sa Bluesquare Mastercard Hall sa central Seoul, South Korea sa August 1 asin 2.
An event na ini an kombinasyon kan meet-and-greet asin kan concert.
Idadara man ni Sanha an saiyang fan concert sa manlaen-laen na siyudad sa South America asin Asia.
Naka-scheduled ini na mag-perform sa São Paulo, Brazil sa August 5; Santiago, Chile sa August 7; Monterrey, Mexico sa August 9; asin Mexico City, Mexico sa August 10.
An tour an mapadagos sa Japan kabali na an Kobe sa September 5 asin 6; Yokohama sa September 23.
Ini an magseserbeng marka para sa enot na solo tour kan Korean Idol makalihs an saiyang Dusk Till Dawn showcase sa Korea asin Japan kan 2024.
