Pig-anunsyar kan Manila Electric Company (Meralco) na magkakaigwa nin dugang na sigil sa kuryente ngunyan na bulan nin Agosto na maabot sa P0.6268 an kada kilowatt-hour (kWh).
Huli digde, an kabilogang rate para sa karaniwang harong an malangkaw gikan sa P12.6435 kan nakalihis na Hulyo pasiring sa P13.2703 kada kWh ngunyan na bulan.
Sigun sa Meralco, an mga residential customer na nagkokonsumo kan 200 kWh kada bulan an pwedeng makaeksperyensiya nin dugang na haros P125 sa saindang bill.
Paliwanag kan Meralco na naglangkaw nin P0.3749/kWh an sigil gikan sa Independent Power Producers (IPPs) asin Wholesale Electricity Spot Market (WESM).
Siring man an singil gikan sa IPPs na naglangkaw nin P0.9476/kWh huli sa pagluya kan piso kontra dolyar nin haros P2.00.
Naglangkaw man nin P0.1270/kWh an National Grid Corporation of the Philippines (NGCP) huli sa mas halangkaw na Maximum Allowable Revenue (MAR) kaini asin pag-kolektar nin under-recovery puon 2016 hasta 2022, alinsunod sa pag-aprobar kan Energy Regulatory Commission (ERC).
