Nagsumiter ngunyan na aldaw an mag-agom na Curlee asin Sarah Discaya kan saindang kontra salaysay katakod sa pigsunad na reklamo kasuarin sana kan Bureau of Internal Revenue kontra sa kanila.
Ini kasabay kan saindang pagatendir sa pigsagibong preliminary investigation sa Department of Justice dapit sa kasong tax evasion.
Sigun mismo ki Justice Spokesperson Atty. Polo Martinez, ini an ginibo kan mag-agom kan mag-abot sa tanggapan kan kagawaran.
Marurumduman na pigsunadan sinda kan Bureau of Internal Revenue kan patung-patong na mga reklamo huli sa pigkakarkulong sa lampas 7-bilyon Piso soboot na tax liabilities.
Nag-ugat an pagsasampa kan reklamo sa bigong pagbabayad kan mga Discaya sa buwis kan saindang 9 na luxury cars asin unpaid documentary stamp taxes kan supposed divestment sa apat na pagsasadiri kan construction firms.
An reklamong tax evasion kawsa kan dae pagbabayad kan kaukulang buwis puon taong 2018 hasta 2021.
