NAGA CITY – Pigheras kan sarong litigation lawyer an mga manlaen-laen na ebidensya para sa kasal mantang pigpahimutikan man kaini an salang pagtubod pag-abot sa marriage certificate.
Sa entrevista kan Bombo Radyo Naga ki Attorney Joshua Remir Abueg, sarong litigation lawyer asin may kansadiri kan sarong law firm, an primero asin pinakamaray na ebidensya kan kasal an marriage certificate.
Pag mayo man kaini igwa man nin ibang ebidensya siring kan Birth Certificate kan saindang aki, testimonya kan sarong partido na nag-atendir sa kasal o party to the marriage, testimonya kan sarong witness, testimonya kan solemnizing officer na nag-solemnize kan kasal.
Dugang pa ni Abueg pupwede man na gibuhong proof of cohabitation orog na kun haloy na nin nag-iibanan nin huli ta igwa na nin presumption na kasal an nag-iibanan.
Dugang pa kaini importante an marriage certificate nin huli ta ini an primerong ebidensya nin kasal.
Pigtawan duon man kaini an importansya kan pagkakaigwa nin marriage certificate.
Sigun pa ki Abueg dai kabali an marriage certificate sa requirements kan kasal asin ebidensya sana ini na nangyari ini. Kun mawara man ini igwa pa man nin ibang ebidensya tangani na mapahiling na nangyari an kasal.
