Dae soboot mauntok sa paghahanap kan katotoohan an mga kapariented kan 46 katawong binawian nin buhay sa train crash kan duwang high-speed train sa Spain kan nakalihis na Enero 18, sigun sa sarong emosyonal na statement kan sarong funeral service kan nakalihis na Enero 29.
Padagos pa man kayang pigpoporbarang akuon kan Spain an trahedya na nangyari harani sa Adamuz na pigladawan kan gobyerno komo sarong igwang pinakahalangkaw na numero kan mga binawian nin buhay sa historya kan mga aksidente kan tren sa Europa.
Diskumpiyado man an Spain kun bastante ba an nagin pamumuhunan kaini sa maintenance kan bistadong railway system kan Spain, orog na makalihis an iba pang insidente kan nakalihis na semana, kaibahan an pagkagadan kan sarong train driver sa Catalonia.
Present man si King Felipe VI asin Queen Leticia sa seremonya mantang dae man nanutaran sinda Prime Minister Pedro Sanchez asin Transport Minister Oscar Puente.
Basado sa imbestigasyon kan mga otoridad, sarong bitak na riles an pinagtutubodang naganap antes madiskaril an tren pasiring Madrid gikan Malaga.
Makalihis an poco mas o menos 20 segundo, nagbangga soboot ini sa saro pang tren na pasiring Huelva gikan sa kasalungat na direksyon. Sinaysay man kan mga ini na pwedeng mag-abot sa siyam na segundo an pag-ultanan kan duwang tren.
