NAGA CITY – Preparado na an mga eskwelahan asin mga paratukdo sa syudad nin Naga para sa magigin pagbubukas kan klase sa maabot na Lunes, Hulyo 29, 2024.
Sa nagin paghampang sa mga kagawad kan media ni Dr. Susan Collano, SDS kan Department of Education Naga, sinaysay kaini na sa presente igwa na sinda nin 54-K na enrollees alagad nasa 25% short pa ini kumparar sa numero kan mga nag-enroll kan nakalihis na taon.
Alagad, posible man soboot ining madugangan pa sa mga masunod na aldaw orog na sa mismong primerong aldaw kan klase huli sa mga mahabol pa sa enrollment.
Dugang pa ni Collano, preparado na mga eskwelahan makalihis na ikondusir an Brigada Eskwela na madurar pa hasta sa aga. An mga paratukdo man an pigsairarom na sa mga seminars an trainings para sa marhay na execution kan Matatag Curriculum.
Nag one on one naman soboot an mga principals kun sain an obheto kaini an masierto na naaabot an anum na oras na teaching hours kan mga paratukdo asin an duwang oras na pupwede nindang itagama sa laog o luwas kan classroom.
Katakod kaini, preparadong-preparado naman sinda para sa magigin pagbubukas nin klase asin naglalaom na sana an opisyal na mayong mabungkaras nin anuman na kadipisilan sa mga masunod na aldaw.
