NAGA CITY – Pwede soboot mahali sa serbisyo an mga paratukdo na nagkomitir nin pang-aabuso sa estudyante.
Sa entrevista kan Bombo Radyo Naga ki Atty. Salvador Bogs T. Pelingon, Division Officer kan DepEd-Camarines Sur, pigsaysay kaini na an Department of Education (DepEd) kadakol na soboot naipasar nin mga DepEd oders siring kan DepEd no.40 series 2012 o an Child Protection Policy kun saen igwang magabat na paninimbagan an sarong paratukdo na nakakomitir nin pang-aabuso sa siisay man na estudyante na nasa irarom kan saiyang pagprotehir sa laog kan eskwelahan.
Katakoddigde, kun ini mapatotoohan na nagkasala kan pinakagabat na pwedeng ipadusa sa saiya, pwede soboot ining mahali sa serbisyo komo paratukdo.
Dugang pa ni Pelingon, ini man an saiyang padagos na pigkakampanya na dapat maintindihan kan mga paratukdo na kun saen pighahagad pa kan opisyal na magpugol tanganing dae makakulog nin aki o kun alanganin man magluwas na sana soboot tanganing dae makakulog.
Pigsaysay pa kan opisyal na magabat talaga an trabaho kan mga paratukdo na kun saen yaon digde an pagpreparar kan mga lessons, pagpreparar kan visual materials pag-monitor sa kadakol na mga estudyante sa laog kan classroom.
Mientrastanto,saludo man si Pelingon sa mga paratukdo na maski naghahaloy na sa serbisyo naggagabat man an responsibilidad alagad nagagampanan pa man kaini an saindang mga trabaho.
