NAGA CITY- Pigtawan duon kan mga Pilipino gikan sa nasyon kan Thailand na kaipuhan magin preparado asin dae magin complaisant sa anupaman na sitwasyon o saen man lugar na kinamumugtakan.
Ini an kasabay kan pagtama kan makusog na linog sa may parte kan Thailand kasuudma, Marso 28, 2025.
Sa report ninda Bombo International News Correspondent Crisanto Felix asin Xyriel Saluta, gikan sa nasambitan ng nasyon, sa kasagsagan kan pagtama kan makusog na pagyugo-yugo dae soboot aram kan mga residentea sa Thailand an saindang gigibuhon orog na ta bibihira sana man an pagkakataon na nagkakaigwa nin linog sa nasambitan ng nasyon.
Paliwanag pa kan duwa, mayong faultline sa Thailand alagad posibleng mamatean an linog enkaso magbungkaras ini sa saindang pagtaraid na nasyon siring na sana kan nangyari kasuudma.
Paliwanag ni Felix asin Saluta, an epicenter kan linog an nairehistro sa Myanmar alagad an tremor namatean sa Thailand. Boot sabihon 7.7 magnitude na linog an namatean sa Myanmar alagad sa Thailand nag-abot ini sa 7.3 magnitude na pagyugo-yugo.
Katakod kaini, basado soboot sa local media, nagpakol na sa 10 katawo an binawian nin buhay mantang labi 100 pa na mga construction workers an pighahanap orog na ta an nakakurit talaga nin labing danyos an nagrasay na high rise building na presenteng pigpapatindog.
An pondo soboot para sa nasambitan ng edipisyo an nagkakantedad sa $2B. Apwera digde, igwa man nairegistro na danyos sa iba pang mga building asin mga naraot na tinampo.
Pigsaysay pa ni Felix asin Saluta na kasuudma, pigbawalan an paghali kan mga eroplano alagad sa ngunyan balik na sa normal an sitwasyon sa mga palupada asin gabos na mga pasilidad sa Thailand.
Ngunyan man an aldaw, magkakaigwa nin report an PM kan Thailand tanganing Mientrastanto, mayo man soboot nadamay na mga Pilipino sa nasambitan ng insidente alagad padagos pa man giraray na pigpapalikay an gabos.
Sa ngunyan, pigpayuhan na sana kan mga ini an mga Pilipino sa Thailand na padagos na magmonitor asin magin updated sa bagong mga impormasyon katakod kan nasambitan ng insidente.
